今季尾會同曼聯完約嘅30歲後衞馬高斯盧祖（右），之前一直有傳會重返阿甲，但未有下文前，近排佢就喺右腳整咗個阿根廷已故球王馬勒當拿嘅紋身。去年底老馬過身嘅時候，盧祖就喺社交媒體提過自己係受到老馬影響先踢波，而呢個右小腿紋身係老馬擔住雪茄個樣，但紋身原圖嘅老馬正正係着住小保加波衫，似有暗示自己快轉投小保加，只係時間問題啫！