周三意盃八強阿特蘭大主場迎戰拉素，2支球隊現時同樣位列意甲前7位置，而且近況同樣出色。不同於其他強隊，兩隊明顯希望捧盃，態度相對認真；今季阿特蘭大對強隊表現不俗，加上有主場優勢，讓半/一敲上盤。
阿特蘭大自11月尾聯賽不敵維羅納後，各項賽事已經13場不敗，上周末意甲作客硬撼榜首AC米蘭，更以3:0技術性擊倒對手。綜觀球隊今季對前列分子，除季初大敗予拿玻里，對兩支米蘭、祖雲達斯及羅馬全數保不敗，前鋒路爾斯梅利爾及杜雲沙柏達（圖）大勇，加上伊利錫復蘇，令阿軍整體實力回到最高水平。
拉素近況同樣出色，最近5場全勝下聯賽排名衝上前7名。不過近年鬥阿特蘭大表現一般，最近三次對碰不勝，而且聯賽首循環主場更被阿軍大炒4:1，今戰作客更難踢，阿特蘭大可稍秤先。
同日另一場，班霸祖雲達斯主場迎戰意乙史帕爾，前者不敵國際米蘭後迅速反彈，連贏兩場兼未有失球，不過今仗估計會有輪換，未可看得太高，寧博「入球大細」[2.5球]的「細」。
賽制：若在90分鐘內打成平手需加時，如加時再和，則互射12碼決勝。
文：亨少