本來只係做Sales嘅佐真娜（右），因為同基斯坦奴朗拿度（C朗）拍拖後人氣急升，最近仲晒命po自己收到由前西班牙王后索菲婭寄嘅聖誕卡。至於點解佐真娜會突然收到王室寄嘅聖誕卡？原來佢之前同一間非政府組織Nuevo Futuro合作，咁啱個組織係索菲婭已離世嘅家姐創立，當時佐真娜仲捐咗20,000個口罩畀呢間機構，所以佐真娜先有聖誕卡收。