【本報訊】昨晨林鄭月娥在行會前預告再封區，連日來深水埗盛傳是下一個封區區域，謠言下人流減少，位於強檢區域區內的商販叫苦。
位於南昌街的蛇羹舖蛇王業，負責人馮女士指近年生意已不景，坦言若封區檢疫兩日，必定零生意傷上加傷。她表示，近日因生意欠佳，加上盛傳封區，不敢存貨太多，現時食材日日清。她認同封區抗疫，甚至全港禁足，但應事先通知店主提早準備。
陳先生在北河街租用臨時舖位賣年花，為新春購入一萬支年花，他本在多個年宵攤位投標，早前政府取消年宵，現靠臨時舖散貨，他指若封區，60萬元投資凍過水，因為蘭花要室溫控制，「夜晚要開空調保持22度，每日要淋水。如果封咗區，我點照顧呀？」店員亦替老闆擔心「再封區唔畀做生意，真係死多兩錢重。」
至於強檢區域外北河街經營凍肉舖的黃先生稱，街市因爆疫生意下跌五成，一旦封區後果不堪設想，「如果我喺度仲可以開雪櫃雪藏，但啲貨夜晚送嚟，我都無計」他對政府「堅離地」不賠償感無奈，「佢唔賠唔通我搵支槍打佢咩，呢個政府就正X街嚟㗎啦！」