【本報訊】短期內有多隻新股招股，資金分配成為散戶的煩惱；專家指每隻都可抽，估計受快手氣氛帶動下，首日全部都會升；但除快手需要孖展外，建議其他都是現金抽。
多隻新股短期內上市，散戶需要衡量如何調動資金，宏高證券投資經理梁杰文認為，市場氣氛熾熱，估計快手可升一倍，甚至升兩倍也不意外。在快手帶動下，估計其他冷門新股首日都會有兩、三成升幅。
梁指快手可以大手孖展，因甲、乙組各瓜分11萬手，故不必勉強上乙組，「全城狂借錢，話唔定太多人在乙組，留在甲尾一樣着數；另外我估快手唔會益一手黨，所以只抽一手中籤機會微」。光大新鴻基財富管理策略師溫傑指，會將資金分成兩半，分別投放在快手、心通；若快手超額倍數太高，反正抽中機會微，他便會調動部份資金轉投心通醫療。至於其他四隻新股就只以小量現金抽。
金利豐證券研究部執行董事黃德几直言，未必每隻新股都會升，他對快手、心通以外的幾隻新股都沒特別看法；認為快手或要到乙組頭才會有機會中一手，否則就要蝕孖展利息。心通除非超額200、300倍，否則不會孖展認購，因新股未必一定升，中太多會危險。