【本報訊】政府上周於深水埗劃出強制檢測範圍，但區內疫情未有緩和迹象，昨日區內再多兩幢大廈需強檢。近日有傳言指深水埗將繼佐敦後，成另一封鎖區域。區內21名區議員前日聯署反對， 認為封區打擊民生，促請政府改善區內唐樓喉管問題，但事隔一日未獲當局回應，有街坊一針見血，「一日唔封關都冇用」。
本港昨再多三幢大廈須納入強制檢測，其中兩幢位於深水埗，包括汝州街286-286A，及173號，皆位於原先強制檢測範圍，其中173號大廈與楓樹街檢測站僅一街之隔。位於楓樹街的檢測站昨晨未開門，已有半百市民輪候檢測。居民馬先生指封區無成效，「一日唔封關都冇用，源頭不在社區，佢（政府）大晒，話封就封，唔使同你講」。其實上周六凌晨佐敦封區後，近日傳聞指當局會在深水埗封區，令街坊商戶人心惶惶。
「條街冇人行，商戶怕封區唔敢入貨，索性拉閘」。深水埗區議員李庭豐指，自深水埗被劃入強制檢測範圍，即被標籤為疫區，街坊即使並非居於檢測範圍，亦多次遭僱主要求檢測，他擔心一旦封區，將進一步影響民生。他指，區內劏房問題嚴重，政府首要工作應是處理污水渠道改裝或亂駁問題，質疑封區成效不大。
