【本報訊】林鄭政府勞民傷財封鎖佐敦疫區48小時，這場不具抗疫成效的大龍鳳卻令疫區內的商戶血本無歸，惟政務司長張建宗前日「落閘」表明不會向受影響商戶賠償，望商戶體諒。油尖旺區議員收到至少40個商戶求助，分別損失三萬至六萬元不等，估計區內會出現倒閉潮。有商戶斥政府口口聲叫老闆不要扣薪，卻拒絕支援商戶：「唔係體諒呀，係睇住我哋死！政府用嗰條條例就599，我哋做人就『戇99』！」有區議員促請當局提供一筆過兩萬元或商戶損失的一半金額，作為補償。
政府佐敦封區行動昨凌晨結束，但最終延至凌晨約3時半才完全解封，區內排檔和商戶昨早陸續返舖視察及準備開舖，但封區兩日，不少店舖積存的新鮮食材及鮮花等腐爛變壞被迫丟棄，商戶感到無奈和痛心。
一眾油尖旺區議員昨陪同多名受影響的商戶見記者，批評政府封區前夕，只通知商戶需於當晚8時收檔，卻無交代確實封區時間，令他們大失預算。
位於上海街的快餐店「上海美食」老闆羅先生指，封區兩日，不少食物已變質，指棄貨「垃圾桶都裝唔晒」，損失約三萬元，可能要借錢出糧。他批評張建宗拒絕向商戶賠償等於「睇住我哋死」，加上農曆新年將至，「佢就過新年，我哋就過身！上山嗰隻呀！」斥政府態度強硬、無心紓困，「係傾都冇得傾」。他估計區內會出現倒閉潮。
排檔檔主馬女士指，解封後人流較以往少超過九成，生意額由以往每日數千元急跌至昨日只有數百元，她指過往農曆新年生意額佔全年約九成，形容檔戶只是「蟻民」，期望政府能「有啲誠意、有啲承擔」。
「龍運蔬菜」職員周先生指，所有疏菜存貨變壞，「啲菜又黃又爛，都唔食得啦」，促高薪厚職的官員多了解民間疾苦，而非反要求市民體諒。
經營24小時士多雜貨店的黃小姐，對自己被困店內兩日，仍然滿肚怨氣，「幾時封區又唔通知，幾時解封又唔通知，我哋市民平時工作做嘢都要交代清楚啦，都唔知佢哋諗乜嘢」。封區期間，曾有街坊來電，聲稱因沒有熱水煲，要乾啃公仔麵，亦有人因為沒有筷子，要用牙刷代替進食，直言「好淒涼！」
黃小姐直斥當局無補償，「啲高官真係好，個個月幾十萬人工，點會理我哋草根階層，佢係離地到不得了，我兩日已蝕約一萬元，相當頭痛。」她又狠批政府「你唔封關，做錯嘢，𠵱家嚟懲罰我哋，仲話唔賠償。」
政府昨日發新聞稿總結今次封區行動時，僅指區內商店生意大受打擊，商業活動停頓，居民生計亦受影響，卻無交代會對受影響人士作賠償。有商戶激動指罵，政府口口聲叫老闆不要扣薪，卻拒絕支援商戶，「唔係體諒呀，係睇住我哋死！政府用嗰條條例就599，我哋做人就『戇99』」。
油尖旺區議會副主席余德寶表示，30多間餐廳或零售店過去兩日「封區」，合共損失約50萬元，每個商戶損失介乎四千至六萬元不等。他促請政府提供一筆過兩萬元或商戶損失的一半金額作補償，認為賠償合理，並非「獅子開大口」，因為政府如提早通知，商戶可作應對減少損失。他又批評張建宗指不會賠償，是極度冷血和涼薄。
油尖旺區議員李傲然表示，受封區所累，新填地街排檔每戶損失三萬至六萬元不等，至今收到至少40個求助，促請政府盡快支援商戶，提供津貼或補償。
