港府做咗場封區檢疫大龍鳳，不過係咪真係有用，定係只為向北京交差，就要睇多幾日，由前立法會議員、公民黨譚文豪同黨友林瑞華開嘅茶餐廳「一日三餐」，又因為有中招人士去過，噚日宣佈要即時停業消毒，作為老闆嘅譚文豪仲親自落手落腳做埋清潔。
「一日三餐」喺facebook出帖，話1月14日有武肺確診者去過餐廳，為員工同客人健康着想，決定即時停業，搵專業清潔公司進行全店消毒、所有員工進行檢測，冇結果前唔可以返工，之後佢哋再出多個帖，除咗貼晒清潔公司全店徹底消毒嘅相，仲有老細譚文豪落手落腳抹枱相，仲揶揄高官封區唔放過任何香港人，「呢邊廂譚老細就唔放過任何武肺病毒」，仲不厭其煩提大家要保重身體，人冇事先至做到世界冠軍！
李八方