警方以六百警力落重公帑炮製的「守城」一出，油尖旺隨即歷史性「封城」。藍屍勁興奮，比盧寵茂在深圳擼起衣袖打國藥疫苗猛話「好興奮」更甚。藍屍滿以為差佬會兵臨城下實彈騷肌，疫情下鬱躁的藍屍等住睇PK套好戲真人版，釋除限聚令下無得跳老舞的不安疑慮。點知，三萬不來！宣傳騷，八秒都唔肯做！不就當該區藍屍無到，condom都不如嗎？大媽面燶燶說，就算唔係er sir落區，都指派法庭內自稱身高只得1.5米的師弟來，震懾一下炮台街的馬伕，鳳姐夠膽李小龍式踢1.5米的大腿嗎？就算踢中了，記者敢影相嗎？邊個影就拉邊個呀！
廟街隱世賭檔收皮，古惑仔跨區搵食，會聽政府話先去做檢測？CLS咩！曾經大拿拿捐七位數字給警隊的社團，與警界關係比白衫更白更和諧，大佬收晒風，事先搬竇走人，話唔定，帶走埋條隱形傳播鏈。這場封城大龍鳳，最終又係徒勞無功。咁我有咩高見？有，將居民轉移，制裁劏房業主，迫付酒店房租兼限時維修喉管。唔合作的業主，即係有敵意啦，與反制BNO一樣被剝奪居留權投票權，「凍結」全家戶口！