【本報訊】佐敦封區行動在昨日凌晨4時公佈，但早在周三晚、即50多小時前，傳媒已獲得「通水」，導致區內居民在禁令生效前拖篋離開。有專家批評政府未能突襲式封區，令居民聞風先逃，效用不大。特首林鄭月娥辯稱，難以滴水不漏完成整個行動，因要預先通知區內商戶及籌備行動，「唔通我哋要隱瞞佢哋？」
林鄭昨午前往受限區域視察，主動提及封區消息「走漏風聲」一事。她承認對行動效果有一定影響，但辯稱難以滴水不漏完成整個行動。政府原意凌晨4時行動開始前公佈，但有需要預先通知區內商戶，「唔通我哋要隱瞞佢哋？」
她又把「通水」效應歸咎於數千下屬：「我相信係因為有幾千位同事已經知道自己會擔任呢個任務，亦有一啲先頭部隊來到現場開始視察環境，亦有啲喺區內嘅街市或熟食小販市場獲得處方知會。」她表示，若再有同類行動，會認真研究是否當市民或傳媒收到消息時，就提早公佈行動細節，「因為我相信如果噚日區內居民知道行動只係48小時，而且政府有足夠配套安排，譬如我哋有食物包同熱線電話，或者佢哋唔會因為擔心而選擇離開呢個小區。」
記者問她怎樣確保離開了的人會做強制檢測，她說：「強制檢測亦需要市民配合同支持，如果完全百分百依靠政府監察、追蹤，然後檢控，呢個唔係公共衞生對策中一個好好嘅做法。」呼吸系統專科醫生梁子超則批評，政府未能突襲式封區，令居民聞風先逃，效用不大。他說：「走晒嗰啲係風險最高嘅人，佢哋做埋（檢測）先發揮到功用。剩低個啲，基本你封唔封，佢哋都會合作。你可以傳教，但個個都信咗，就冇乜特別用囉。」
感染及傳染病專科醫生曾祈殷則說：「事先張揚係唔理想，但唔好以為政府會搵你唔到。」他促請當局設懲罰機制，以起阻嚇作用，又呼籲公眾切勿收容疫區內居民，以免受感染。
潛在帶菌者四散，衞生防護中心傳染病處主任張竹君回應時卻說，佐敦居民日常生活本身已不會限制於該區，「好多人日日返工放工都經過好多個區」，市民流動必然涉及播毒風險，其他區亦持續新增確診個案，風險提升與否未必與封區有關，「封唔封呢個地方，都係有（播毒）問題嘅」。
油尖旺區區議員陳嘉朗則指，「其實大家早都估到你有呢一着」，有能力的居民早在數天前搬離。