多蒙特上禮拜五喺德甲作客以2:4輸畀嘅慕遜加柏，雖然有超新星艾寧夏蘭特（右）梅開二度，但最終都係輸波，錄得聯賽三場不勝。開賽一分鐘「蜜蜂軍團」就食驚風散，慕遜加柏入波但VAR話犯規在先入球無效。11分鐘，主隊憑罰球攻勢，由尼高艾維迪頭槌破門先開紀錄。多蒙特之後積極反撲，2度由艾寧夏蘭特接應查頓辛祖嘅助攻反超前2:1。32分鐘，尼高艾維迪攻入個人今仗第二球，半場踢成2:2平手。換邊後四分鐘，主隊嘅賓斯拜尼突擊得手再度領先，78分鐘，再憑角球攻勢，由馬古斯杜林頭槌破網，為慕遜加柏奠定4:2勝局。多蒙特賽後錄得聯賽三場不勝。