【娛樂圖輯】嘟嘴賣萌

日模松岡李那因疫情關係，上年大部份時間留喺家鄉日本，不過佢成日會喺Ig貼近照，日前就公開嘟嘴賣萌相，力sell可愛，慰藉一下香港嘅男粉絲。

仙氣逼人

雖然楊穎（Angelababy）備受婚變傳聞困擾，不過佢同老公黃曉明依然封嘴。Baby如常喺內地拍劇，近日佢仲着上藍色古裝開工，散發陣陣仙氣。

幸福媽媽

內地女星黃聖依同楊子結婚後，育有兩個囝囝安迪及安麟，前日佢貼出一家四口慶祝安麟4歲生日嘅合照，黃聖依一臉幸福，狀態唔錯，一啲都唔似兩子之母。

瑜伽打卡

城中富豪劉鑾雄前女友呂麗君前年改名呂姵霖，近年佢愛上瑜伽，不時喺唔同地方影相打卡，由相中甫士嚟睇，佢嘅瑜伽技巧相當純熟。