楊思琦前晚擔任陳志雲網上節目嘉賓，談及近況與當年未婚誕女的往事，其間提到舊同學離世，她忍不住落淚：「好突然，佢走咗之後，我就收到首《仲夏陽光》，我即刻喊咗出嚟，歌詞就好似講緊我同佢。每晚瞓唔到，佢讀書好叻，係一位兒童心理學家，好值得我學習。」
之後志雲提到前度李泳豪，思琦即顯得迴避，回想起當年未婚誕女飽受抨擊，她說：「生完女之後有啲唔開心，報道指摘我，好痛苦，感情冇對錯，唔知我發生乜事，唔可以評論我決定，每個人做乜係有原因，好彩我撐得住。」不過她堅持不透露細仔生父身份。思琦又爆當年有人做了傷害自己的事：「佢做過傷害我嘅事，之後冇再見，但如果見到可以打招呼。」問到點解可以原諒對方？她說：「因為嗰個人係在位者，當其時嘅在位者。」
