【爆相爆片】無綫處境劇《愛．回家之開心速遞》未有因政府周二在深水埗劃出指定區域，要求區域內的大廈過去14日內有兩個或以上單位出現無關連確診個案，均會被納入強制檢測，而避開到該區拍外景。《蘋果》讀者Ant先生透過「爆相爆片」分享，指前日下午4時許，見到《愛．回家》演員在九江街和醫局街交界開工，包括「池富」王俊棠、劇中女兒「池美麗」鍾凱琪及兒子「池子孝」阮政峰，連幕後工作人員約十多人。
讀者Ant先生說：「佢哋喺我樓下拍攝，我樓下一邊係小學，一邊係護老院，我見工作人員都好自律戴晒口罩，幾個演員拍嘢時就冇戴口罩，其實隔一條街係嗰間溫暖護老院，有老人家確診，呢排深水埗疫情都犀利，我係佢哋都驚，真係搵命博。」讀者又指期間有不少街坊睇熱鬧，引來人群聚集，最後逗留約一小時離開。