周中澳職推介,中晒「大細」就唔中盤,梗係唔收貨啦,周末繼續留喺澳洲,拎番上場大手交易嘅珀斯光輝同阿德萊德聯(圖)兩隊,繼續追住佢哋嚟賭。
先講阿聯,上仗就3:5大敗畀光輝,星期六就返主場鬥墨爾本勝利;阿聯雖然剛剛俾珀斯光輝血洗,不過話晒入到三粒,攻力上絕對冇問題,上次品評過嘅前鋒杜米祖歷雖然冇貨交,不過勝在身位好有牽制力,製造唔少空間畀其他隊友,好似干斯坦度普路斯、賀路雲等都叫做有波入。呢場波「大」就一定開,上下盤又點度呢?初盤阿聯呢場要讓平/半,始終被血洗完之後,後防一定醒醒定定,半場和住先,所以除咗「大」,可以試吓「半場和」同[和/主]雙重保險,希望三注齊齊中。
星期六頭場西部聯主場對珀斯光輝;光輝新兵安迪基奧治完全對辦,拍住科拿路利打雙中鋒真係幾屈,難得第一場就已經on fire,而且安迪基奧治係屬於唔獨食嘅前鋒,二傳畀隊友後上入波效果都唔錯。西部聯前鋒貝利沙都唔係流,休息咗成個星期先踢一定夠體力,主場出擊都唔會保守,食住個勢,上半場「大」,全場「大」,全部要晒。
文:黃耀富
截稿前馬會尚未開盤,盤口僅供參考,讀者記得留意足智彩網頁。