落選港姐廖慧儀去年疑暗撻《#後生仔傾吓偈》主持孔德賢，令舊愛Sam身心受傷，上月疑受情困輕生。廖慧儀和孔德賢至今僅以同事相稱劃清界線，但有眼利網民在二人社交平台找到蛛絲馬迹，清晰見到二人玩煮飯仔時共用同一品牌爐頭，廖慧儀整龍蝦，孔德賢則整蘿蔔糕，二人貼出的照片連隔熱板的枱紋也一樣，似為保形象轉玩地下情。
此舉疑惹來眾網民炮轟，留言鬧爆：「佢哋兩個今日出煮嘢食嘅圖，咁啱都用同一款煮食爐，同樣嘅枱紋，如果佢哋真係講大話，話冇一齊，呃到自己，真係好恐怖，個男嘅仲可以出返嚟幕前拍劇、做嘢。」孔德賢疑知東窗事發，即刪走Ig影片，網民怒斥身有屎。有網民也批評廖慧儀經常出story試水溫：「真係幾恐怖仲可以冇嘢。」
