著名時裝設計師鄧達智去年7月確診武肺，留醫七日後出院，事隔半年，他對服藥後發冷發熱及出院後被鄰居歧視的經歷仍記憶猶新，惟最令他難受的，是疫情一直沒完沒了，「政府做吓嘢啦唔該，唔好再話𠵱家第幾波第幾波，你話畀我哋聽𠵱家under control，唔會有第五波！」
「你支咪消毒咗未㗎，未消毒唔好畀我喎。」鄧達智半說笑提醒記者。鄧憶述去年臨近書展，曾接受聯合出版集團網台「一本」訪問，估計該名網台記者當日訪問許多人，夾領咪未有消毒，不幸其中一人是隱形播毒者，最終令他染疫。鄧憶述治療過程中，最辛苦是打針食藥後出現副作用，「朝早11點幾有藥到，兩支針打肚皮，之後輪流發冷發熱，燒完又凍、凍完又燒。」出院後，鄧發現不少人對康復者帶歧視目光，「突然間覺得我好似發麻瘋咁，啲人老遠見到我就走。」
他說抗疫一年，許多內地工作如時裝展被迫取消，擔心這種日子不知要持續多久，「好厭倦，好多project唔做得，有時每個星期經常一步冇出過去，大環境所有planning全部都要停落嚟，但做時裝工作係我呢個人最大嘅動力，做唔到真係有啲depressed（沮喪）」。他促港府正視港人抗疫疲勞問題。