立法會開始辯論施政報告致謝議案，不難發現由建制派議員到官員，無不拿港版國安法大力吹捧，至於曾幾何時，特首林鄭月娥及建制派拿來批評泛民阻礙推動的抗疫及民生政策，沒有人拿出來吹捧，因為根本完全沒有成績可言。有政圈中人指，一些前公務員向他批評，林鄭所謂的抗疫紓困措施，「全部甩甩漏漏、朝令夕改」，以往政府甚少弄致如斯難看，更令人擔心即將要處理的大規模接種疫苗可能有更大甩漏，「但就睇唔到林鄭有反省過，反而叫市民咪怪政府」。
該政界中人指，近日有些前公務員與他談及政府抗疫政策，對方指政府處理這些問題有失誤，有時在所難免，但好像林鄭政府如此「甩甩漏漏、朝令夕改」，就難以令人理解，「好似年宵花市咁，一時話搞、一時又話唔搞，之後又話搞返，但又加限制，好似冇同業界溝通咁，公佈又俾人鬧」。他指以往這些措施會在內部討論，再找相關業界人士討論，「即使唔可能十全十美，亦唔會搞到甩甩漏漏出台」，從中可見林鄭班子議定及執行政策能力完全「唔夠班」。
有民主派人士表示，不斷有報道指林鄭親自負責抗疫，「正正因為佢乜都以為自己掂先搞成咁，唔肯聽其他人講」。他又指林鄭被問到近日疫情急劇反彈，政府應否受到責備，「佢竟然話疫情史無前例，佢唔會責怪任何人，亦希望市民唔好怪責政府，講到不單止唔關佢事，仲好似佢係俾人害咁」。
他擔心之後政府要處理大規模接種疫苗時，「林鄭冇反省有乜唔掂，繼續我行我素，隨時到打疫苗時候又出現大甩漏，分分鐘又係市民要受」。
季陶
周一及周五刊出