陳百祥多年來一直戒不掉「認叻」本色，經常口出狂言，盲撐警方及發表支持政府的謬論，卻選擇性失明對事實「睇唔到」，遭大彈「業餘、不認真」而淪為網絡笑柄。
去年12月，阿叻在親中傳媒中訪問周柏豪，鼓勵對方跟黃之鋒割席：「譬如話你同黃之鋒影過相，原來誤會係佢去後台，可能係fans之類。」成功為周柏豪「加持」轉投藍營成為「藍神」。
前年11月，阿叻與杜汶澤到港台節目《視點31》辯論，談到警暴、新屋嶺疑有強姦事件，他竟盲撐：「睇唔到」、「海市蜃樓」，再提到7.21元朗襲擊時竟稱白衣人手上只是藤條木棍，令阿澤O嘴。
前年10月，現身某警署為警員打氣兼發表「偉論」，竟然說：「如果我做警務處長就好啦，兩個月前就已經開咗真槍，就好快可解決。」不少網友力斥他「口出狂言」、「無腦」。
2015年12月，在港台《我係乜乜乜》訪問中批評前學民思潮召集人黃之鋒：「八間大學都考唔到，我點話你叻？」即遭黃之鋒反擊說：「佢冇讀大學兼會考得13分，咪照樣做咗一線藝人。」
2013年11月，網民發起熄電視罷看無綫台慶，阿叻公開向網民挑機說：「如果熄機可以令到TVB只有兩、三點收視，我就由將軍澳跪到返屋企！」結果連累TVB遭網友圍堵大灑陰司紙。