隔牆有耳：「平凡小巧 功能強大」
反送中磚陣奪英倫設計獎（李八方）

2019年反送中運動期間屢在本港街頭出現、示威者創造嘅「磚陣」路障，喺第13屆英國倫敦設計博物館嘅Beazley年度設計大獎（Beazley Designs of the Year）中，獲最高人氣獎項（People’s Choice Winner），主辦方更形容磚陣係小巧而功能強大的障礙結構。

「容易建造 難以清理」

該設計大獎由英國倫敦設計博物館同保險集團Beazley合辦，今年係第13屆，大獎分六個類別，包括建築、時裝、交通及產品等，當中香港示威者創造、用作阻擋車輛前進嘅磚陣，就獲得最高人氣獎項。

磚陣由多塊路磚組成，反送中運動期間，曾喺浸大同理大一帶出現，也見於中環和油尖旺街頭，被視為抗爭方法之一。

主辦方透過視像公佈同介紹得獎作品，主辦方指最高人氣獎項有3.5萬觀眾投選，話磚陣設計只係由平凡磚塊組成，由爭取民主運動嘅香港示威者建造、形成小巧而功能強大嘅障礙結構，用以阻擋警車前進，即使磚塊被車輛撞擊掉落，剩餘嘅兩塊豎立磚塊仍然可繼續阻礙車輛前進，而且「磚陣」容易建造，但難以清理，2019年11月抗爭時更普遍使用。

李八方