【本報訊】港隊羽毛球女將葉姵延（黑妹）早前於社交網站上載與女伴的合照，慶祝拍拖七個月紀念日，公開同志身份，她日前再次發文，表示過往「把性取向收到好埋好埋」，但近日她自言不再害怕，決定勇敢面對，她感激身邊人的支持，並祝福同志朋友能找到真愛，幸福快樂。
33歲的葉姵延過往時常於ig上載與女友人遊玩的合照，不過她從未披露雙方關係，上周她貼出兩人於餐廳慶祝的照片，並寫上「話咁快就七個月，雖然疫情我哋只可以簡簡單單咁慶祝，但係希望呢份簡單可以帶畀你無窮嘅快樂。」
黑妹公開戀情獲多人留言鼓勵，她日前再次發帖，表示未有預計公開戀情後朋友間的熱烈反應，感謝各人支持，她透露過往從未承認同志身份，但近日發生太多事，啟發她「出櫃」勇敢面對，「咁多年嚟我都將自己嘅性取向收到好埋好埋，任何人我都無講過承認過，甚至唔小心傷害到過去嘅伴侶，直到呢段日子發生咗好多，而令到我唔再害怕、勇敢承認同面對所有，我相信好多人都可能經歷過或者經歷緊我經歷過嘅種種，但係我想同大家講，如果你選擇咗呢條路，亦堅決要走呢條路，你就要令自己變得更好更強。」她指自己一直不變，「黑妹依然係黑妹」，希望借此帖祝福每一位同志朋友找到真愛，幸福快樂。
葉姵延出道多年，她於2006年多哈亞運摘女單銀牌一鳴驚人，此後她三度出次奧運，其中在倫敦奧運更躋身八強，2011年其世界排名升上生涯最高的第8位，現時則排53。
