政府昨公佈本港失業率為6.6%，創16年新高，勞福局長羅致光直言對未來失業率不感樂觀。不少政界人士批評，去年初爆發武漢肺炎至今，政府根本未有為疫情可能長期不能過去做準備，「保就業只係拖時間，以為疫情好快完就冇事」，結果令裁員危機累積，「到今日終於爆，但之前又冇諗好應對政策，令成件事殺傷力變得更大」，直言看不到港府有能力解決。
有政界人士指，政府一開始已低估疫情持續性，「兩輪保就業根本解決唔到裁員問題，只係拖時間，以為疫情幾個月過咗就冇事，冇諗過萬一疫情持續成年點算」，他又指政府去年初未有想過，還可說未掌握情況，「但到去年下半年，全世界講緊疫情冇可能咁快完，林鄭施政報告仲冇任何即時措施提出」，而兩輪保就業變相令不同行業裁員潮，拖後至保就業完結後「一齊爆」，「令個壓力同殺傷力加大」。
另一政界人士指，羅致光昨日一邊說對未來失業率不感樂觀，「但講到政府有乜應對措施？仲係講要思考有乜工作可做，之後又係講再培訓、開臨時職位」，即是說到昨日政府還未有應對政策，「反映成個政府仲係坐喺度，根本冇能力去解決」。