組合MIRROR成員姜濤、呂爵安（Edan）、黃奕晨與阮小儀等昨日於九展為ViuTV全新遊戲節目舉行記者會。小儀自爆最欣賞Edan，為節目更主動致電監製問可否撮合，小儀笑說：「Edan好有潛質，愛到不得了，簡直令姐姐回春。姜濤就唔係我鍾意嗰種類型。」提到Edan將拍攝港版BL劇《大叔的愛》，小儀雀躍說：「好緊張咀嗰場，我唔介意去現場做指導，做咀嘴指導。」Edan則自爆中學時曾有男同學傳短訊追求：「啲人覺得靚仔都係基，後尾應該知道我唔係，就冇嘢嘞。」
姜濤被問到跟KOL雪姨食飯上契，令一眾「姜糖」羨慕，姜濤笑說：「多謝大家，其實初出道已認識雪姨，但唔係正式上契。」談到網友認為他比周柏豪更值得奪港台男歌手金獎，姜濤說：「我知道自己實力同能力未夠，得到任何獎項都係幸運，唔會計較係乜獎。」