周三英超頭場曼城主場迎戰阿士東維拉，賽前英超五連勝的藍月亮今仗只要勝出，即可短暫做一哥，若較後時間登場的曼聯未能全取三分，曼城甚至可坐穩榜首，鬥心肯定十足。客軍阿士東維拉早前受武漢肺炎疫情侵襲，多達9名1隊球員確診兼停操，暫未知今仗實力會削弱多少，但狀態肯定不及氣勢如虹的曼城，主隊大勝可期。（球賽編號：星期三12；now621台明日2:00am直播）
維拉早前爆發集體感染，一隊訓練場要關閉，英足盃要派上青年軍上陣對利物浦慘敗出局，隨後兩場聯賽都需要延期，惟維拉及英超賽會卻一直宣稱今仗可如期進行，不少外圍莊家亦已開盤，亞洲盤曼城普遍要讓球半/兩球，但始終未知維拉有多少主將受感染缺陣。足智彩將於今午開盤。
雖然客軍軍情未明，但莊家仍看好主隊亦不無道理，事關曼城是近期狀態最好的英超球隊，自去年12月中起各項賽事已錄得8連勝，近四場更保持清白之身，在快車檔期賽程頻密下，曼城盡顯兵源強大的優勢，加上周末只在英足盃鬥英乙車頓咸，全無留力必要，料曼城一眾主力如奇雲迪布尼、史達寧等可全力狂攻維拉，延續近期氣勢。
就算維拉今仗大部份主力可出戰，但該隊氣勢已不及季初，料曼城今仗可大勝一場，延續氣勢全力搶分爭標。
文：尊嘉