【本報訊】本港疫潮持續一年，政府抗疫不力，民不聊生。一直自詡抗疫表現佳的特首林鄭月娥昨被問到近日疫情急劇反彈，政府應否受到責備？林鄭回答說，今次疫情史無前例，她不會責怪任何人，也希望大家不要責怪政府。有學者批評，林鄭月娥處理疫情表現落後於形勢及過於長官意志，防疫措施又有政治目的，政府難推卸抗疫不力的責任。
林鄭月娥昨於行政會議前見記者，近日疫情反彈，有記者問她，應責怪政府抑或少數族裔人士？林鄭月娥回應說：「你用『責怪』一詞，我好想同你哋講，𠵱家唔係責怪邊個嘅時候。因為疫情前所未見，我哋對呢個病症唔夠認識，同時好多國家同政府都諗如何抗疫，唔同地方用唔同方法有唔同結果。我唔會責怪任何人，同時希望公眾唔好責怪政府，因為政府已盡力動用最多資源同人力抗疫。」
對於林鄭月娥叫市民不要責怪政府，香港民意研究所副行政總裁鍾劍華指出，本港疫潮持續一年，但林鄭等一眾高官處理疫情表現落後於形勢及過於長官意志，不但不聽專家意見，制訂防疫措施又有政治考慮，政策又反覆，政府難以推卸責任。
鍾續說：「封關反反覆覆，對專家嘅意見又不一致，袁國勇、許樹昌都同政府唱反調，批評政府做得唔夠，做得太慢，政府確實有問題，不能迴避，加上政府利用疫情達到政治目的，好似限聚令，對於生活困難嘅市民，政府冇乜實質支援措施，點可能叫人唔追究政府？怪責政府？」
市民又是否接納林鄭的呼籲，不向政府問責？記者在太子鬧市隨機訪問，曾任職飲食業、已失業三個月的陳小姐說：「冇得唔怪佢（林鄭），成件事罪魁禍首就係佢。年年考第一，真係唔知佢個第一邊度考返嚟。」