【本報訊】佐敦疫區已累積逾百宗個案，居民人心惶惶，街上人流大減，儼如死城。獲米芝蓮推介的佳佳甜品，自疫症爆發以來，生意已大跌七成，附近一帶爆疫後，更只剩約兩成生意額，負責人指冬天本來是旺季，小店從未曾「坐唔滿」，如今卻成為常態，營運極為艱難。
佳佳甜品負責人招先生說，佐敦區大規模爆發疫症，讓食客感到憂心，生意額大跌：「因為實在太近喇，同埋畀人個感覺係恐慌呀，因為佢又封晒街，又好多警察喺度呀咁樣，營造咗個恐慌感出嚟，啲人真係唔敢出門。」
疫潮橫行一年，百業蕭條，飲食業更是首當其衝，政府卻一直未有長遠政策幫助企業渡過難關，招先生說，過往的保就業補貼是杯水車薪，只能用來繳交店舖的固定開支，繳交租金、水電費等支出後，根本所剩無幾。他的糖水舖是小本生意，應對措施相當有限，過往曾與外賣平台合作 ，但生意額增長非常有限。
政府過去一年以來不斷推出各種限制飲食業措施，食肆大受影響，卻未見曙光，招先生苦不堪言：「政府講咩，我哋咪做啲咩囉，政府話要隔離，我咪惟有配合囉，咁但係我可以配合到幾時呢，即係我一路讓嘅話，咁政府又幾時可以真係做到啲嘢幫返我哋呢？」
會計師早前告知佳佳甜品業績首次見紅，招先生說從父親手中接手糖水舖，有一重傳承的意義，更讓他倍感壓力，「接手我老竇十幾年，我都未試過擔心（舖頭倒閉），我唔係話驚俾時代淘汰，我係驚俾呢啲咁嘅黑天鵝淘汰」。
面對租金及水電開支等壓力，他最擔憂始終是夥計，「你唔食，啲夥計都要食……好多夥計真係要靠呢份糧去維持一頭家嘅生計，佢少咗一千蚊就係少咗一千蚊」。