邵氏執行董事樂易玲昨日應邀為馬浚偉創立的演藝教育中心擔任開幕禮嘉賓，提到黃心穎因「安心事件」而停工近兩年，樂易玲表示上星期與心穎食早餐，見她心情OK。對於有否與心穎商量復出，樂易玲說：「大家冇深入去傾，唔想畀壓力佢，但有問她佢有乜考慮同打算，都有叫佢返去認真地諗吓。真心講，藝人簽咗長約，想離開亦要返公司處理合約問題，希望佢唔係意氣用事。」
提到心穎被無綫綁死八年長約，樂易玲說：「照我記憶應該簽好長，唔止八年，因為當時公司力捧一批花旦，所以簽長約。」但樂易玲表示就算心穎解約亦不用賠錢，原因她不是跳槽。若然心穎想留低，無綫又會否給予演出機會，樂易玲說：「唔能夠主觀去諗，要睇大家會不會接受，會唔會俾人講，其實佢都好辛苦過咗差不多兩年，大家先可以過正常生活，好似最佳男主角（馬國明）都搵到個好好嘅女朋友，好難得同開心，但缺口總要去處理。」