【本報訊】肺炎疫情未能受控，餐飲業是疫情開始至今的重災區。不願出鏡的的陳先生任職侍應，已接近退休年齡。自去年初爆疫開始，酒樓經理已要求他每月放約兩星期無薪假。去年7月起，其總工時再跌至少於192小時，令他失去領取全額低收入在職家庭津貼的資格，收入由約兩萬元跌至一萬元左右。
至上月其任職的中式酒樓再宣佈結業，令他慘成失業大軍，「細路讀緊書，𠵱家先嚟失業周圍求職冇人請。我真係唔明點解林鄭有錢起明日大嶼，冇錢救濟市民」。
另一位任職傳媒、年約33歲的張先生，去年9月被解僱，至今一直靠做臨時工『炒散』維持生活。他苦笑指，「老婆就嚟生BB，屋企唔可以長期冇收入。呢五個月嚟，夾埋做過起碼廿份散工」。
惟張先生表示，即使他願意「馬死落地行」，但尋找合適長工仍不是易事。早前他透過友人介紹到地盤紮鐵，然而因力有不逮，短短半日遭辭退。他欲應徵快餐店工作，經理卻以「唔請高學歷」為由，拒之門外。但張先生坦言不會坐以待斃，亦不期望政府「打救」，「我唔想第時做個壞榜樣畀仔女睇，所以點辛苦都會努力試」。