祖龍娛樂（9990）上周五發通告，數名控股股東共約34.13%股權禁售期已屆滿，但各控股股東已承諾進一步延長禁售期180日。市場對上市滿半年的股份比較有戒心，因為擔心配售或減持動作陸續有來，如今祖龍主動拆走計時炸彈，即時惹來資金掃貨，股價兩日最多炒高15%好合理。
究竟呢個動作，可以令股價炒高幾多？還記得物管股鑫苑（1895）嗎？去年4月控股股東在禁售期結束後，表明暫無任何減持計劃安排，結果股價由1.7元起步，炒至8月的4.86元才收手，4個月炒高近2倍。當然，唔係話祖龍一定會跟足升勢，只想說明延長禁售的威力不容小覷。
還有兩點要留意︰第一，祖龍上市時間雖不算長，但已極速獲納入恒生科技指數，並同步升呢做港股通成份股，實力毋庸置疑；第二，集團主要從事開發、發行及營運移動遊戲，摩通日前發表研究報告，預計今明兩年收入年複合增長率為73%，首予增持評級，目標價29元。近日騰訊（700）強到爆炸，祖龍作為騰訊概念股（騰訊持股約13%），理應受惠，短炒先睇24元，企穩再望28元，穿19.3元止蝕。
唐牛