無綫《2020年度勁歌金曲頒獎典禮》前晚舉行，「藍神」周柏豪跟胡鴻鈞瓜分最受歡迎男歌星，他表示：「好驚喜，好特別，聽講從來冇咁嘅情況出現，明白得到獎係開心事，唔會覺得分薄。」周柏豪稱跟胡鴻鈞私下是好朋友，不時相約打籃球。因發表「阿仔要孝順阿媽」言論而遭fans割席，周柏豪說：「當然係傷心事，我會有啲唔開心，我都係人嚟，但我唔能夠停留呢個情緒太耐。」而周柏豪離開時電視城門外零fans等候，人氣今非昔比。
袁偉豪早前出席台慶頒獎禮被網民嘲「走樣、膠面」，他在社交網發火自辯因身體狀况時好時差，又嬲爆叫網民：「繼續話我食軟飯、一味靠黐，做戲好屎。」前晚他得新人獎後受訪時說：「嬲完就算，情緒係仲有啲低落，覺得件事好似沒完沒了。」他指老婆張寶兒亦有出言安慰，又笑稱為了前晚出鏡斷食兩日。