周中盃賽為主，近期玩荷蘭波幾順，星期三荷蘭盃16強有場好勁嘅戲碼，由阿爾克馬爾(AZ)主場鬥阿積士；上星期日已經品評過，可以開始長追AZ，今次難得主場有得受讓，面對疲兵阿積士真係未驚過，捧下盤之餘仲可以敲埋主W。
AZ（圖）上星期六雖然只係小勝海牙2:1，[-2]主勝開唔出，不過唔經唔覺已經七場不敗，主場亦都非常硬淨，開季至今連埋聯賽都只係輸過一場，歐霸盃分組賽三場主場都不敗，只係作客成績太差先至要出局，𠵱家一條心應付本土賽事，決心更加唔使懷疑。阿積士野心都幾大，1月高價購入前鋒施巴斯坦賀拿，當然首要目標係荷甲同歐霸盃，荷蘭盃就最次要。阿積士呢排賽程辛苦過AZ，近期連對燕豪芬、川迪等對手，星期日先至1:0險勝飛燕諾，休息時間少過AZ一日，加上荷蘭𠵱家冰天雪地，體能要求更加高，就算班兵幾後生當打都好，都難免有透支嘅一日。海外初盤阿積士客W1.95倍，讓平/半低水，真係熱唔透，AZ下盤絕對博得過，而約有3.3倍嘅主W都值得一敲。
意大利周三就有意大利超級盃決賽，由上季聯賽冠軍祖雲達斯，喺中立場鬥上季意盃冠軍拿玻里。睇番近期其他國家超級盃戰果，巴黎聖日耳門險勝馬賽開下盤，畢爾包爆冷擊敗巴塞隆拿，跟住個趨勢，殘陣嘅祖記，上場作客國際米蘭輸埋波，呢場點讓平/半？
文：Goal進
【資料寶藏】
阿爾克馬爾今季主場盃賽不敗，包括賽和皇家蘇斯達及拿玻里。