王浩信、蔡思貝及朱敏瀚等昨日在將軍澳出席祝捷活動，他們憑主演的劇集《反黑路人甲》及《踩過界II》分別在日前的頒獎禮中，贏取「視帝」、「視后」及飛躍進步男藝員獎項，不過朱敏瀚的華姐冠軍女友余思霆，昨日卻被爆出背着男友在台灣夜店跟異性大跳辣身舞「贈興」。
問到得獎心情，朱敏瀚表示：「攞獎當日個電話已經爆咗，都有逐一回覆多謝佢哋，好多謝大家嘅支持同埋愛。」身在台灣的余思霆可有第一時間送上祝賀？朱敏瀚說：「當日個騷未完我哋都已有聯絡，大家有傳訊息同視像分享嗰份喜悅。」但提到女友余思霆日前在夜店跟來自台灣的星夢歌星劉子碩大跳火辣貼身舞，女方更僅穿上白色bra top搔首弄姿，身材惹火，令一眾男士看到「流鼻血」，更引來有男士雙手在女方身上遊走，對此朱敏瀚拍心口表示對女友信心十足：「其實佢去邊都會同我講，我都了解過。我哋（關係）都穩定嘅，好多謝大家對我哋嘅關心。」
會否禁止女友再去夜蒲避免男士埋身？朱敏瀚說：「佢知道㗎喇！」他又強調跟余思霆未有嗌交，感情要好。至於余思霆時何時再來港，朱敏瀚表示：「佢畀唔到個確實日期，因為之前話可能返嚟拍嘢，但𠵱家佢喺嗰邊有綜藝工作，所以都未有確實時間，惟有每日視像住先。」
另外，王浩信及蔡思貝自從成為「視帝」、「視后」後，兩人當年因拍第一輯《踩過界》而傳緋聞的事件再被炒熱，但兩人未有避忌一同接受訪問，不過表現得十分疏離，合照時更隔開半個身位。對於緋聞被重提，王浩信表示：「其實將十幾年前嘅嘢又攞返出嚟講，如果外界係要信都冇法子，食得鹹魚抵得渴。」
至於蔡思貝被指獲澳門猛人周焯華的已婚生意拍檔Sam力追，男方更送上名牌禮物及七人車任用，更即時把胡鴻鈞（Hubert）「降級」分手，她只說：「我同Hubert從來都係好朋友，根本冇升冇降。」
