【本報訊】武漢肺炎疫情重挫香港經濟，北角黃店食肆北豆上周五宣佈告急，禁堂食令下勁蝕六位數，已欠租兩個月，若本周未能續租，月底難逃結業厄運。不少市民得悉北豆苦況後，昨特意前來力撐助渡難關，令北豆生意額爆升十倍，店主感謝市民支持，望能覓得較平租舖位繼續經營。
北豆昨午12時開始營業，午市個多小時內，逾百人想進入店舖幫襯，有人專程首次前來，惟店方沒足夠人手兼顧堂食。店員解釋指收到逾30單外賣，且陸續有來，「無謂啲客入咗嚟坐等好耐，阻住佢哋lunch，多謝佢哋支持」。
店主蔡小姐指生意額比平日爆升十倍，「忙到甩轆」，十分感謝。她稱每月租金五位數，政府多次禁晚市堂食，收入插水，不欲拖欠員工薪金，只能遲交租，已欠租兩個月惹業主不滿，市民鼎力支持下生意望有轉機，但是否續約須待業主決定。
街坊劉小姐獲悉北豆告急特意去「懲罰」，批評政府防疫政策拖累民生，「咁係咪疫情一路都唔改善就一路用限聚令控制香港人，連最基本返工賺錢維持生計都冇呢？未等到武漢肺炎搞掂，已經連飯都冇得開」。
北豆所在的北角錦屏街後街黃店林立，是區內「黃街」，無奈疫下經營困難。有黃店負責人坦言：「睇唔到營運餐廳嘅前景，計唔掂數就要執笠，開嚟都冇生意，仲要畀租金同人工。」他指小店結業難再重開，因股東把全部身家押上。雖然前景暗淡，他堅持不減員工、不放無薪假，「每個人都有家庭，冇辦法，惟有望限聚令取消後復蘇返」。