【本報訊】疫情下失業率料創16年新高，續有企業面臨倒閉。黃店食肆「北豆」宣佈告急，指受港府禁堂食措施不斷循環打擊，勁蝕六位數，本月更已無能力交租，若本周未能續租，將於本月底結業。至於屹立香港逾一世紀的曾福琴行亦宣佈3月底光榮結業，第三代傳人慨歎後繼無人，加上疫情關係，只能無奈遣散20多名員工，與一眾舊客說再見。
位於北角錦屏街的北豆，上周五在facebook專頁帖文，指「經歷咗正苦嘅禁堂食洗禮咁耐，香港人都捱得好辛苦。我以為我哋自己可以撐得住，但奈何我哋連今個月嘅租都冇能力負擔，琴日收到一個通知，如果20號前我哋仲未傾得成續約，北豆將會喺1月31日結業」。帖文出街後，引來過千網民留言支持。
負責人蔡小姐昨苦訴指，疫情下大受政府禁堂食措施打擊，至今勁蝕六位數，「我哋做串燒嘅，禁堂食真係冇乜人嚟買……其實都只係頂住，開返堂食嗰段時間搵到嘅錢，cover返冇堂食嘅日子，根本係不斷循環」。她又揶揄政府稱：「我寧願靠自己，都唔打算靠你（政府）啦，但你下下禁堂食，大佬真係唔得掂。」
另外，創於1916年的曾福琴行，日前在官網稱「現在是時候跟各位道別了」，宣佈清倉至3月。曾福琴行為本港歷史最悠久的琴行，過去於北角設廠房，自行生產Morrison摩利臣牌子鋼琴，北角琴行街亦因曾福琴行命名。
琴行位於黃竹坑的貨倉，昨擠滿顧客。一向有夾band的大埔區議員連桷璋亦到場支持，表示：「都感到可惜，始終都係香港品牌，開咗成百幾年。」他以近2,000元購入一支色士風。
第三代傳人梁小姐指琴行在疫情期間，生意額受輕微影響，惟因後繼無人，子女「自己有自己嘅想法」，無意繼承，遂作出艱難決定，預計3月底結業。她無奈稱「始終樣樣嘢都有了結」，但直言有老顧客及舊夥計對琴行結業均感到不捨。