港版國安法實施後，好多西方國家都認定中國違反《中英聯合聲明》國際承諾，海外媒體不時形容「China breaks promise （中國違反承諾）」。不過有網民發現，用Google大神繙譯以上句子，無論繁簡，居然譯出「中國信守諾言」！
好奇嘅八方將「China」改做美國、日本同英國，繙譯回復正常「違約」（詳見右圖），唔通連Google大神都怕咗國安法？有熟悉IT既朋友就解釋呢個靈異現象有可能係「五毛」作怪，話說Google繙譯有回報機制，原意透過修改令AI繙譯更完美，不過有啲網軍玩嘢，前年抗爭期間網軍發功將「so sad to see HK become China」扭曲成「很高興看到香港成為中國」。前線科技人員fb專頁亦貼文解釋，AI透過公開資料學習，假如某國刻意錯譯，繙譯大神亦會中伏，咁到底邊個國家咁玻璃心？
李八方