求驗客手記：小豆老婆全裸派福利傳婚變

前曼聯前鋒「小豆」查維亞靴南迪斯老婆Sarah Kohan一向係性感尤物，上年年底佢先喺ig分享咗張赤裸上身嘅相，今次呢位26歲澳洲索模更加大解放，全裸上陣㖭。Sarah貼出一張洗手間自拍照，只見敷住面膜嘅佢一絲不掛，淨係用啲泥膜遮住胸部，影完後再喺手機用白色筆刷遮埋私密部位，非常大膽，仲成功過到ig嗰關冇被ban。

不過，有傳小豆兩公婆最近婚變，Sarah近幾個月只係分享自己同兩個仔女嘅相，唔見有呢位墨西哥前鋒嘅身影。自從上年10月囡囡Nala出世後，佢兩個就甚少分享有對方嘅相，似乎消息都唔係空穴來風。據講Sarah已經飛返自己家鄉住，同家陣踢緊洛杉磯銀河嘅小豆相隔十萬九千里遠。