【本報訊】疫情打擊經濟，今年年宵或首次停辦，花農苦不堪言，民間只能自救。不少商戶自創商機，在鬧市租舖賣年花救市，亦有雜貨店「添食」兼賣年花及年貨應市，創造遍地開花景象。其中有大型連鎖藥妝店搬離銅鑼灣邊寧頓街舖位後，吉舖變散貨場，招徠選購年花的顧客不絕。
邊寧頓街1號舖位原由莎莎經營，其後搬走，有商戶租舖經營雜貨店，售賣精品及零食等，至最近毅然加入賣年花行列，以出售花期較長的蝴蝶蘭為主，吸引不少顧客光顧。現時店內的閣樓賣蘭花，樓下賣年桔、五代同堂等年花，更有揮春、生果及賀年裝飾等，方便顧客一次過辦年貨。
店員梁小姐不諱言，本身店舖不是賣花，但食正政府宣佈取消年宵市場的商機，「三個星期前開始賣花，初頭冇乜人，後來一聽到話冇年宵，人流開始多，有客搭巴士經過見到都落車入嚟買！」她指暫時乾貨仍銷量好些，但相信隨着農曆年漸近，買花人流會增多。
梁小姐預料今年過年市民消費不及往年，認為以往年宵氣氛始終較好，「花市好多選擇，有得慢慢揀，買得疏爽啲，現時冇氣氛，反而（市民）叫你砌好一盆花畀佢。」她說農曆年過後便會轉賣其他貨品。
另外，上環文咸東街28號一個吉舖，近期亦被毗鄰花店商戶租下作臨時花檔。負責人吳女士直言，沒競投年宵市場花檔，但會選擇附近吉舖開多個花檔，受疫情影響，「今年好多人喺香港過年，取消年宵反而令啲貨全部都好平咁掟晒落嚟，因為有人早喺大陸入貨，冇年宵就好平賣」，估計特別是普通小型花檔或大平賣，市民有機會執平貨。
她不禁賣花讚花香，笑言店舖「做開台灣花，質素好啲，有啲客就鍾意買返質素好啲嘅蘭花」，又指雖然新租店舖只作臨時花檔，但估計今年市道不俗，「呢度都係做一個月，做到年卅晚，市道應該OK，市民始終要買花過年。」
前來買花的陳女士一口氣買四盆蘭花，批評政府取消年宵做法不當，認為行年宵是農曆年所需，以往她都在年宵買花，「今年惟有隨機，見到靚就買！」
政府早前以疫情嚴峻為由，取消年宵花市，近日有傳復辦，食環署回覆本報時沒正面回應是否復辦，僅稱正積極考慮合適方案，協助花農銷售年花。
