【本報訊】「雖然有遺憾，有夢想係要做係要實踐，那管剩低一雙手。」輪椅運動家黎志偉昨挑戰300米高的如心廣場，功敗垂成，但他勉勵香港人，要繼續追尋夢想。名為「城市攀登300M+」的慈善活動目標是籌款300萬元，為港大矯形及創傷外科學系籌款，用作購買「機械腳」等復康儀器，支援脊髓損傷患者及行動不便病人，至昨日已籌得超過275萬元，連同稍後的配對捐款，有望合共籌得600萬元。
黎志偉約於早上10時開始攀登，初段尚算順利，在半空時還透過facebook直播分享感受：「我聽到好大聲嗌上來，荃灣嘅街坊有冇人見到我呢？真係冇幾何可以喺鬧市空中咁樣享受。」
中午時分，黎志偉已大致完成三分一路程，他休息時表示：「條繩會彈吓彈吓，你想像緊好似bungy jump咁。」他需要運用臂力拉扯繩索，「每一下好似拎住個啞鈴咁，將自已向上升」。攀登時，他會想着：「仲有朋友仔情況比我更差，每次諗起佢哋就會畀心機咁用力向上攀。」
入黑前他已完成了三分二路程，這位曾奪得長洲搶包山比賽冠軍，及後因交通意外下半身癱瘓的運動家，隨後在夜幕下繼續攀登。不過這時風勢加劇，大風把他吹得不停旋轉，繩索也纏在一起。接近9時，黎志偉上攀至75樓，海拔約270米時宣佈挑戰失敗，工作人員協助他返回室內。他返回室內時憶述，當時不停在空中打轉，「暈暈哋，要拍自己個頭保持自已清醒，其實個情況都幾惡劣」。
「去到嗰度好唔想放棄，但無奈太大風，上面繩索同下面繩索纏住，最終感覺風勢越來越大，體力流失好快，唔想增加各方面風險，已經盡咗力，多謝支持我嘅朋友。」說到這裏，黎志偉流下英雄淚，他說：「好想完成，同我人生一樣，好多預計唔到因素……人生又留咗一個遺憾。」
