高海寧貼出着住黑色晚裝騷身材嘅相，多謝呢幾日收到嘅生日祝福，連林子善都留言讚︰「又唔使咁兇狠嘅！」網民就以「胸前絕後」及「胸神惡煞」形容佢。
張馨月去年為老公林峯生咗個女，噚日佢喺微博貼出行沙灘相，佢着住低胸連身衣，大晒升cup上圍同白滑長腿，網民留言︰「恢復得真好」、「這麼火辣峯哥沒意見嗎？」
馮盈盈噚日貼出同韓國男團2PM成員Nichkhun嘅合照，留言︰「日記簿嘅第一頁，新一年第一個情人節，就喺我哋見面嗰日。」仲hashtag「牛奶皮膚王子」、「明星追星」，證明佢勁冧靚仔。
楊愛瑾（Miki）帶三歲大仔Luken去海邊踩單車，溫馨之餘，Miki仲大讚囝囝好醒︰「容許我威一下，話說佢第一次學踩就已經踩到喇！媽咪一定要公開點名讚！」
