現年27歲的前亞姐（香港區）冠軍梁雪瑤，卸任後發展未見突出，去年忽然豪擲六位數自資出歌一嘗做歌星滋味，大走斯文玉女路線。但《蘋果》近日收到讀者Sally報料，踢爆她早前突與澳洲籍男友Kevin分手，男方上月在fb撰長文斥女友入行後變得貪慕虛榮而變心，他甚至轉發「狂野港姐」廖慧儀的舊愛Sam受情困墮樓身亡新聞來相提並論。
《蘋果》翻看Kevin的fb帖文，早在去年10月他先後留言斥前女友貪慕虛榮：「為咗層區區月租兩萬蚊嘅樓，有司機車出車入，就可以同一個食過一兩次飯嘅有錢佬上床」、「幾多𡃁模選美出身嘅，都係食食吓飯就同有錢佬上床，娛樂圈就是亂！我身邊就有一個。」上月Kevin再撰長文力數前度：「由今年佢有機會接觸到有錢佬開始，故意黐埋去有錢佬度，用無數大話瞞住我……唔好阻住佢發達，否則分手。更離譜嘅係我點都估唔到佢喺我哋嗌交第二日，就同個大佢20歲嘅食過兩、三次飯嘅所謂富豪去睇樓，你隱藏得太深，定係一個人窮得太耐，抵受唔到錢嘅誘惑？有錢佬係咁易使十萬八萬就搞掂一個屋邨妹，原來係真嘅。既然你對我無情，我都唔會再留戀了。」Kevin指拍拖五年，但對方話變就變，女方分手理由更坦認：「揀個有錢佬。」
梁雪瑤於2018年當選後曾在Ig貼出跟Kevin合照，據知她在墨爾本讀大學時認識男友，但當女友回港選美後，兩人關係開始變質，而她早在2019年初已自爆跟Kevin分手，《蘋果》前日聯絡梁雪瑤求證，她說：「其實同佢分咗手好耐，同佢冇錢銀轇轕，我從來冇問過男朋友攞錢，我都係好努力返工，自己賺錢出歌，唔知點解佢無啦啦又舊事重提，講返啲唔係事實嘅嘢。」對於被Kevin力數她貪錢虛榮，她說：「總之唔係事實，我唔回應了。」梁雪瑤自幼住公屋，在城市大學建築系修讀兩年，她曾自爆獲神秘富商「長腿叔叔」資助到澳洲讀大學，回港後曾參選港姐，可惜在30強止步，兩年後轉戰亞姐並奪冠。
