狼隊前鋒柏度尼圖曾經踢過拉素，呢間意甲球會近排發現，原來2018年簽尼圖同般奴佐達奧兩位葡萄牙球員時，會計部擺咗個大烏龍，一直分期付款咁畀錯錢另一間球會，呢件事竟喺兩年後先獲得證實。事緣兩位球員都係嚟自布拉加（Sporting Braga），不過拉素嘅會計部就搞咗錯係另一支葡超老牌球會士砵亭（Sporting Lisbon），擺明係因為兩隊都有Sporting呢個字，所以先後兩次入錯錢畀士砵亭。拉素嘅秘書長卡華利近日接受訪問嗰陣就證實事件屬實：「好唔好彩，因為兩間球會嘅名實在太相似，會計部同事犯咗個錯誤，但我哋已經修正番付款資料。」