英超賽會周四宣佈，原定下禮拜日阿士東維拉（紅衫）主場對愛華頓嘅英超賽事，因為武漢肺炎疫情原因宣佈延期。維拉上禮拜突然爆發武漢肺炎疫症，球隊大量職球員中招，連訓練場都要閂門，上個禮拜英足盃1:4輸畀利物浦嗰陣已經要出青年軍頂上，而禮拜三原定對熱刺一仗都要改期。另外，原本12月踢嘅紐卡素對維拉，將會安排去英國時間23號8點（香港時間24號凌晨4點）進行。