【本報訊】盈富基金（2800）因美國的行政命令一度公佈暫停投資中國軍方相關企業，隨即遭林鄭「出口術」指金管局可「做嘢」影響盈富信託人，而行會成員任志剛亦指道富不適宜繼續管理盈富基金。有學者認為道富昨日恢復對相關股票投資的決定，是受到政治壓力。
強積金供應商中銀保誠昨亦發聲，指正審慎評估並考慮一切可能選項，包括但不限於必要時更換投資於其他的恒指追蹤基金。
美國克林信大學經濟系副教授徐家健相信，道富是因應有高官、政界人士相繼提到撤換基金管理人，感受到政治壓力，加上基金上周錄得歷來最大規模的走資，權衡風險和投資回報後才轉軚。他補充，道富可能更擔心中方就美國制裁推出的反制措施。「唔知有冇枱底打電話講啦，但已經有人出嚟公開講嘢，肯定道富係受到壓力」，他指美國政局未定，未必有餘暇理會香港。
經濟學者羅家聰斷言道富遲早會被中資撤換，「政府打晒開口牌，相信只係臨時未搵到人選」。目前道富硬食中美兩邊壓力，另外他指停買有關股份亦可能違反了部份基金的條款，道富要面對法律責任。