【本報訊】為逼港人下載「安心出行」，政府陰招盡出。食衞局長陳肇始透露，正研究要求指定處所檢視客人有否安裝程式及掃描「安心碼」。有健身業界感嘆「強權下唔存在願意與否」，擔心顧客「寧願唔上嚟」，生意大幅減少。有美容業界認為，業界僅接受預約服務，並登記客人資料和聯絡電話，一旦有人確診便提供資料，比強迫客人下載程式和掃描較為溫和和有效做法，亦可減少商戶和客人之間不必要爭拗。
多名議員昨在立法會上關注農曆新年將至，港人出外拜年及食團年飯，單靠「安心出行」不足以應付疫情。陳肇始回應稱，正與相關政策局研究，如果被勒令停業的處所復開，會要求營運者安排檢視客人有否安裝安心出行，而決策局與有關處所開始商討，「或安裝例如將來接種疫苗電子針卡，有冇顯示已接種，呢啲係我哋一直構思中」。
健身搏擊運動業界大聯盟召集人柯尊鼎感嘆，若政府強行要求營運者查客人有否安裝程式，「首先呢個係冇得揀，強權下唔存在願意與否」，但不少港人不信任「安心出行」，擔心客人「寧願唔上嚟，生意一定少好多」。
香港美容業總會創會主席葉世雄憂慮，在執行上與客人可能造成爭拗，「（政府）要賦予個權，如果唔係憑咩？」美容院只接受預約服務，「有晒名、電話、身份證，如果有人確診就交晒資料」，這個方法相對溫和和有效率，而非迫客人下載程式和掃描，「揑我哋喉嚨冇用，逼唔到市民」。他透露，業界昨與政務司長張建宗開會，但未有觸及有關議題。
香港派對場地協會會長林漢然估計有關做法會影響生意，「如果政府一定要做都冇辦法，呢樣嘢（防疫）成效未試過，但市民對政府信心唔大，而且有啲人好抗拒呢樣嘢」。若有關措施推出，他將增加人手，「客人一定會問多咗問題，搵人處理會影響工作量」。
呼吸系統專科醫生梁子超則指出，安心碼軟件設計存有弊病，「有冇掃描唔會知，冇理由畀電話你睇，涉及私隱」，且執法機構難以監察處所有否檢查，政府應先控制疫情，安心碼是非常次要考慮。