商台DJ謝茜嘉日前公佈與摩洛哥男友的婚訊，新一年以人妻身份示人，昨日她邀請許廷鏗到西貢拍攝其主持的開電視節目，到民宿享受staycation。有傳謝茜嘉會隨老公到摩洛哥生活，謝茜嘉澄清：「唔係，連老公都問我係咪唔做。不過我未見老公家長，點都要返去一次，都擔心佢屋企人唔認我點算。」她指兩人享受二人世界，未有打算生小朋友，希望繼續旅行玩樂。
另外，許廷鏗在節目中會親自下廚煮西餐給謝茜嘉品嚐，他笑說：「俾歌手耽誤咗我做廚師，廚藝同歌唱實力相若，以專業排名，牙醫係第一，廚藝第二，唱歌第三。」此外，ViuTV開拍港版《大叔的愛》，有網民提議他和劉丹參與，許廷鏗笑說：「都有留意，如果係搞笑不妨一試，睇吓丹爺肯唔肯啦。」