【爆相爆片】羅天宇曾跟蘇皓兒、陳瀅等女神傳緋聞而被稱為「女神收割機」，去年他便被人影到用Tesla戰車送長腿戴祖儀返歸。不過，《蘋果》讀者劉太透過「爆相爆片」，直擊日前羅天宇駕駛的戰車於彩雲邨向彩虹方向被交通警員截停，劉太說：「我同老公都覺得車窗黑得好離譜，我自己都有貼車膜都係剛合格，同佢嗰架比差好遠。當時我抄低咗車牌同車型號，諗住投訴呢架車，點知後來就見到有交通警員截停佢架車，佢校低窗先知原來係羅天宇，但唔切影佢個樣。」
劉太表示當時羅天宇的車速並不快，因此絕非超速被截查，相信是車窗貼紙不合格，但有否有票控羅天宇，劉太就表示不得而知。而傳媒及後致電羅天宇求證被交通警員截查一事，羅天宇只回覆：「唔好意思呀！唔方便回應。」