日本前鋒久保建英（右）上半季外借咗去維拉利爾，但係一直都受唔到重用，所以下半季皇家馬德里就決定將佢轉借去基達菲，星期一佢就迎嚟新東家嘅「地標戰」。今場賽事佢哋作客艾爾切上半場先失一球之下，39分鐘有古古列拿接應法蘭斯高樸迪路傳中球頂入追成1:1平手。下半場艾爾切有艾雲馬干尼被逐踢少一個，64分鐘久保建英入替馬斯莫域後備上陣，五分鐘之後佢就即刻獲得一次起腳機會，雖然俾對方門將撲番出嚟，但就由謝美馬達補射得手。完場前主隊再有安祖路爾斯主射12碼破網，最終基達菲以3:1反勝切爾達，久保迎嚟一個好開始。另一邊廂，榜尾嘅侯爾斯卡以0:2輸咗畀10人應戰嘅貝迪斯，侯爾斯卡今季到家陣都只係贏過一場比賽，賽後教練米歇爾同佢嘅教練團都俾人炒晒。