近日被facebook收購的WhatsApp強制要求用戶同意訊息與fb共享，加上twitter、fb及Instagram等主流社交平台藉詞限制或關閉美國總統特朗普（Donald Trump）的賬戶，引起公憤，不少藝人包括王喜、王宗堯、龍小菌、莊韻澄等為了表達對主流平台限制言論自由的不滿，聲言會相繼「移民」至其他應用程式如Line、MeWe及Signal等，而鄭敬基更開直播找專家解構，大談Signal較WhatsApp加密資料更理想。
香港國安法下人人都小心言論，社交網絡私隱與安全性近日成為港人焦點，尤其WhatsApp近日強制用戶要同意訊息與fb共享，掀動港人神經。鄭敬基（Joe）前日亦找來跨國機構網絡安全主管「阿辛」上他的直播節目，為大家拆解網絡安全問題。期間他自爆與老婆想轉Signal，而阿辛亦以Telegram、WhatsApp及Signal作比較，解釋Signal雖然目前是加密最好的平台，但難保他日會因商業因素而賣盤給其他社交平台公司，又指今次WhatsApp對客戶的強制行動應該是出於「商業因素」。Joe亦指疑慮被解開︰「其實𠵱家啲人已掹得好緊，如果生活細節好似用WhatsApp咁都好似湯告魯斯（Tom Cruise）拍間諜片咁，真係好儍。」
王喜日前亦於fb宣佈搬平台，留言說︰「親友們，日內會經WhatsApp發出我的Line賬號，往後以Line為主要聯絡工具。」又搞笑地出帖稱「我有色奴、色奴等你」等支持全民轉用Signal。《蘋果》致電問王喜是否因網絡安全問題轉地盤，他回覆說︰「我只係貪新鮮，唔關政治事。將來我都會繼續用fb同WhatsApp，用咗咁多年好多記錄，𠵱家抽起條筋就試吓用Line同Signal，你知我份人隨波逐流，興乜嘢就用。」問會否考慮網絡安全，他說︰「我唔會喺呢啲社交媒體傳遞好機密嘅消息，我只用嚟通訊，所有網絡平台提供者，都冇我哋國安法下嘅憂慮，唔會提供解除憂慮嘅程式，所以大家咪當微信咁用囉！知自己身處咩政局，安全使用就好。」
而龍小菌與莊韻澄亦齊聲表示日後會少用fb及WhatsApp，龍小菌說︰「自己就唔係幾鍾意呢兩個平台要共享電話簿，因為fb我係公眾用，WhatsApp係朋友間用，咁樣好唔保障，𠵱家轉緊Signal同MeWe，感覺比較安全啲。雖然一時三刻好多朋友未轉得晒，但我有信心一段時間大家可以習慣新平台。」莊韻澄談到fb及WhatsApp私隱度降低時則說︰「其實我之前download呢兩個平台時，亦同時下載咗MeWe同Gab，而Line、Telegram同Signal我一直都有用，唔會只依賴fb及WhatsApp，至於網絡安全梗係擔心，所以呢兩個平台會逐漸減少使用。」
而葉蘊儀及伍家謙亦在社交平台宣佈有意搬地盤，前日凌晨葉蘊儀在fb透露想關閉賬戶，並形容fb是「一間咁獨霸的媒體」，預告隨時消失：「如有一天account不見了， 你們應該還可以在某處找到我吧！」同日伍家謙亦在fb留言轉咗MeWe，並列點分析MeWe的優點及缺點，更指︰「以商業宣傳，計算廣告效益嘅功能嚟講，嗰邊暫時遠不及fb完善；但係唔好忘記社交媒體嘅原意係畀大家同朋友分享生活點滴。」
而王宗堯被問到會否搬平台，他以短訊回覆︰「𠵱家仲研究緊，最主要係大家轉咗通訊軟件先，因為通訊軟件相對地多啲唔係平時發放public嘅嘢，private少少，如果嗰啲畀佢監控到，會擔心。」問會否呼籲其他人轉平台，他說︰「暫時不會，社交平台或通訊軟件最緊要方便同保密。如果大家保密受到侵犯就會轉。」
