上星期推介意甲，羅馬對國際米蘭要下盤加個「大」，打成2:2，冇令大家失望啦；今個周中繼續意大利，不過唔係意甲，而係意盃，米蘭雙雄分途出擊，我又有咩好嘢呢，睇落去就知。
話就話米蘭雙雄，一個就英雄一個就狗熊；米蘭（圖）繼續喺伊巴謙莫域嘅光環下表現非常穩定，上場伊巴已經出返嚟，後備入替踢五分鐘，球隊輕鬆贏拖連奴2:0，今次意盃16強對返相同對手，翻版比賽就實食冇黐牙。唔少人擔心，米蘭排意甲榜首，盃賽仲去唔去？其實意盃都打到16強，差兩步就入到決賽，米蘭咁耐冇捧過盃，一定搶埋落去，始終聯賽仲有一段距離，不如爭個盃穩陣啲，亞洲盤讓一球，足智彩就開出讓半/一極低水，兩個盤都冇問題，上場賽事就「細」，今場放手一一「大」啦！
至於另一支米蘭我就稱之為狗熊，上一場領先羅馬下，國際米蘭都被追和，其實非常正路，成個下半場國際米蘭過半場機會少之又少，教練干地換人調動嘅能力感覺非常之差，攻力同狀態幾好嘅拿達路馬天尼斯喺下半場中段被換出，反而表現一般嘅盧卡古繼續留喺場上，發揮佢嘅隱形作用，一無事處下，結果整個下半場前線冇人拎到波去攻，羅馬都不負所託，喺單邊波進攻情況下追和2:2，其實如果羅馬把握好啲，基本上主場拎三分冇走雞，可想而之國際近況非常差。轉會市場重開，傳緊干地會向英超埋手搵新兵，不過我驚佢未搵到球員之前，國際已經搵另一位教練頂佢，周三作客對住狀態唔錯、而且有主場威力嘅費倫天拿，國際下場仲要大戰鬥祖雲達斯，初盤要讓到半/一，三個字「憑甚麼？」
文：黃耀富
截稿前馬會尚未開盤，盤口僅供參考，讀者記得留意足智彩網頁。