【本報訊】林麗棠的死因研訊昨由教協及東華三院結案陳詞。東華三院大狀陳詞指，院方宣稱不受理匿名投訴，是為保護無辜教師免受調查，強調「制度係死嘅，人係生嘅」。惟教協大狀憂慮事件只是冰山一角，質疑連大型辦學團體如東華亦未有跟從教育局指引，更何況是其他學校。
家屬大狀沈士文上周結案陳詞稱，東華三院將學校管治責任全交給校長，是發生慘劇的主因。東華三院大狀曾藹琪昨反駁指，沈的說法並非最公道，東華三院不可能因一封投訴信，便召見全校幾十位教師，反問「咁會唔會又冇關顧到學務主任嘅工作壓力？」大狀強調院方收到針對羅的匿名投訴後已即時跟進，惟未能及時察覺羅平日對教師的言行表現。
曾藹琪引用沈盤問時任校長羅婉儀時所言「制度係死嘅，人係生嘅」，稱指引寫明匿名投訴不會受理，是為避免有無辜教師接受不必要的調查，反問：「如果每封都大鑼大鼓咁處理，對教師而言係咪最好？二者取其輕，點樣選擇？」她最後指出，希望事件化為有意義的訊息，「每一個人對自己嘅言行都要警醒，因為我哋嘅舌頭可以係最鋒利嘅武器」。
惟教協大狀譚俊傑憂慮事件只是冰山一角，質疑東華三院教育科未有按照教育局的《學校行政手冊》，將針對羅的調查報告交給學校法團校董會，反問「連一間咁大嘅辦學團體都冇，咁其他較細規模嘅團體或者學校呢？」
案件編號：CCDI206/19